Достапни линкови

Трет пат во „Титаник 3“ се слушаат „бомбите“ како материјални докази


Обвинителот од СЈО Гаврил Бубевски пред Суд

Со изведување на материјални докази, поточно со слушање на разговори од „бомбите“, во Кривичниот суд почна рочиштето за предметот “Титаник 3” на СЈО, во кој се обвинети Ејуп Аљими и Исмет Гури, затоа што како членови на Општинската изборна комисија во Чаир на локалните избори во 2013 година „уништувале изборен материјал“.

Обвинителот Гаврил Бубевски побара согласност од обвинетите и одбраната да не се повторува изнесувањето на материјалните докази, кои веќе двапати се изнесуваа пред претходниот судечки совет.

Обвинетите не се согласија со предлогот на обвинителот и продолжи изведувањето на материјалните докази. Во една од бомбите се слушна како двајца разговараат за изборите, при што едниот му вика на соговорникот да гласа за Струмица бидејќи ќе биде потребно
и за Чаир. Бубески презентираше извештаи на избирачки одбори од локалните избори во 2013 кои содржат сумирани резултати за изборот на градоначалник на Општина Чаир, во кои пак, како што рече обвинителот, видливи се поправки на документите кои докажуваат како не треба да се водат записници.

XS
SM
MD
LG