Достапни линкови

Американските војници го почнаа повлекувањето од Сирија


Архивска фотографија: Американски војници во Сирија

Портпаролот на воената коалиција предводена од САД во Сирија изјави дека почнал процесот на повлекување на војниците од земјата.

Полковник Шон Рајан денеска соопшти дека „процесот на нашето намерно повлекување од Сирија“ почна, но не даде други детали. Вели дека поради оперативна безбедност, нема да ги соопштат точните рокови, локации или движење на силите.

Сириската опсерваторија за човекови права со седиште во Лондон соопшти дека почнало да се намалува присуството на американските коалициски сили на аеродромот Рмеилан во североисточна Сирија.

Американскиот претседател Доналд Трамп на 19 декември најави повлекување на американските војници од Сирија, што наиде на остри критики од сојузниците.

XS
SM
MD
LG