ВМРО-ДПМНЕ не знае каде е Никола Груевски
Генералниот секретар на ВМРО ДПМНЕ Игор Јанушев изјави дека Никола Груевски не се појавил во седиштетото на партијата неколку месеци. Тој додаде дека полицијата најверојатно нема да влезе во штабот на партијата, но истакна дека доколку има налог тоа може да го направи и да се увери дека Груевски не е таму. Опозициската партија ВМРО-ДПМНЕ го обвини премиерот Зоран Заев дека спроведува политички прогон кој како што рекоа нема да престане. Игор Јанушев изјави дека ова не личи на помирување, туку на подгревање на политичка криза.