Претседателот Ѓорге Иванов своето обраќање пред Генералното собрание на Обединетите нации ги повика земјите членки кои веќе ја признале Македонија под уставно име да не ја менуваат својата одлука. Тој рече дека нема да гласа на референдумот. Премиерот Зоран Заев, пак, ги повика граѓаните да гласаат, зашто сонот за Европска Македонија е блиску. На гласање повикаа и пратеници од првиот собраниски состав во самостојна Македонија.
Иванов и Заев на различни страни за референдумот, Ердоган пристигна во Германија
Настаните на денот низ фотографии - 27 септември 2018 година.
5
Денеска формално започна објаснувачкиот скрининг за Македонија и Албанија, како подготовка за почеток на преговорите за полноправно членство во Европската унија. Вицепремиерот за евроинтеграции и Бујар Османи, министерката за правда Рената Дескоска и посебниот советник на премиерот Зоран Заев за евроатлантски интеграции, Бојан Маричиќ, ја предводат владино-државната делегација, составена од 40 експерти, на која Европската комисија ќе ѝ го презентира Поглавјето 23 – Правосудство и фундаментални права.
6
Претседателот на УЕФА Александер Чеферин соопштува дека Германија ќе биде домаќин на Европското фудбалско првенство во 2024 година во седиштето на организацијата во швајцарскиот град Нион. Турција беше вториот кандидат за организирање на Европското, но како и во 2008, 2012 и 2016 година ја загуби трката. Германија беше домаќин на Светското фудбалско првенство во 2006 година, а претходно, како Западна Германија, има организирано Европско во 1988 и Светско првенство во 1974 година. Наредното Евопско првенство во 2020 година ќе се одржи во 12 градови во 12 различни држави.
7
Кристин Блејзи Форд се подготвува да сведочи пред американскиот Сенатски комитет за правда во Вашингтон. Таа го обвинува Брет Кавано, кој е номиниран за судија на Врховниот суд на САД, дека сексуално ја нападнал пред повеќе од 30 години, кога биле тинејџери. Тој ги негира обвинувањата.
Категории
- Македонија
- Свет
- ТВ Тема на неделата
- ТВ Тема на денот
- Во 90 секунди
