Достапни линкови

Во Охрид нова рунда преговори меѓу Димитров и Коѕијас


Министрите за надворешни рабити на Македонија и на Грција Никола Димитров и Никос Коѕијас

Министрите за надворешни рабити на Македонија и на Грција Никола Димитров и Никос Коѕијас во Охрид ги почнуваат разговорите кои ќе бидат продолжение на преговорите за надминување на проблемот што Грција го има со уставното име на Република Македонија. И двајцата дипломати пред денешната средба истакнаа дека очекуваат позитивен напредок во разговорите, во насока на натамошно зближување на позициите, но далеку од решение за кои Атина инсистира на уставни промени за кои Македонија смета дека не се потребни. „Се надевам на прогрес и мислам дека однесувањето на Грција и Македонија во однос на процесот сигнализира дека процесот е во деликатна фаза и фокусирани сме токму на овие разговори. Се надевам дека ќе ни помогне што оваа рунда се одржува во Охрид“, изјави Димитров пред средбата со Коѕијас. Шефот на грчката дипломатија вчера во Белград пред да отпатува за Охрид рече дека дека е направен чекор напред во решавање на спорот за името и оти за негово затворање е потребен компромис. „Реализам и прагматизам е клучот на решението. Потребен е компромис, но не гнил компромис. Двете страни мора да разберат дека не можат да добијат се“, рече тој по средбата со српскиот министер за надворешни работи Ивица Дачиќ.

XS
SM
MD
LG