Повторно солзавец во косовскиот парламент
Пратеници од косовското движење Самоопределување денеска повторно фрлија солзавец за да ја поречат работата на Собранието на Косово, овој пат, да ја спречат ратификацијата на Договорот за демаркација на косовско-црногорската граница. Иако собраниското обезбедување тврдеше дека се превземени сите неопходни мерки, солзавецот повторно се најде во собранската сала. Него овој пат го фрлија пратениците Џелал Сечија и Фиторе Пацоли. Остро на денеска фрлениот солзавец реагираше евроамбасадорката Наталија Апостолова, велејќи дека е вчудовидена од „опасните тактики“ на Самоопределување.