Протест во Прага за одбрана на Чешката телевизија од претседателот Земан

Илјадници луѓе синоќа излегоа во Прага да протестираат против претседателот Милош Земан и неговите се почести напади врз новинарите и чешката јавна телевизија. Земан во говорот по полагањето заклетва на почетокот на вториот негов претседателски мандат ја обвини Чешката телевизија, која со години ја бојкотира, како и неколку весници дека манипулираат со ставовите на чешката јавност.