Достапни линкови

МТСП: Обезбедени се услови за функционирање на градинките


Мила Царовска, Министерка за труд и социјална политика

Министерството за труд и социјална политика (МТСП) ги обезбеди сите услови за непречено функционирање на градинките и за непречена грижа за децата корисници, наведува МТСП во соопштение по денешниот допис од Самостојниот синдикат за образование, наука и култура (СОНК) од каде обвинија дека на вработените во детските градинки, основните и средните училишта не им се продолжуваат договорите за работа.

МТСП посочува дека веќе прави детална анализа на секоја установа поединечно што во текот на годинава, како што стои во соопштението, ќе резултира со трајно решавање на кадровските проблеми кои во градинките ги создаде претходната Влада, држејќи ги воспитувачите, родителите и децата во редовна неизвесност.

" Со Буџетот за 2018 година обезбедивме средства за 200 нови вработувања во градинките, за зголемувањето на платите за вработените во градинките за пет отсто, дополнителни средства за материјални трошоци за функционирање на градинките", наведува во соопштението МТСП

XS
SM
MD
LG