Достапни линкови

ВМРО-ДПМНЕ е за дијалог, но во државните институции


Седиштето на ВМРО ДПМНЕ

Од ВМРО-ДПМНЕ денеска соопштија дека во секоја држава за значајни прашања се води дијалог помеѓу партиите, но во рамките на државните институциите и во моментов од партијата не ја гледаат потребата, ниту ја знаат темата за друг вид на средби.

„ВМРО-ДПМНЕ нема ништо против политички дијалог, но повторување на „Пржино“ во или надвор од Република Македонија е непотребно и неприфатливо. Ние сме за разговори со парламентарното мнозинство, но преферираме тој дијалог да биде во рамките на државните институции. За прашања како што е спорот околу името, остануваме на ставовите дефинирани во нашата програма“, наведуваат од партијата.

Се уште нема прецизни информации околу темите на кои би се разговарало во Париз, како што наведуваат од ВМРО-ДПМНЕ и затоа во овој момент не би можеле априори да се произнесат. Откако ќе се детализираат работите, како што порачуваат, би излегле со конечен став во врска со евентуалните средби со партиите од мнозинството.

XS
SM
MD
LG