Достапни линкови

Кривичен ја достави документацијата за екстрадиција на Грујевски и Бошкоски


Архива - Горан Грујевски пред Основен суд Скопје 1.

Кривичниот совет на Одделението за организиран криминал и корупција ја комплетира потребната документација поврзана со постапката за екстрадиција на Горан Грујевски и Никола Бошкоски и ја достави до Министерството за правда на Република Македонија на понатамошно постапување, соопшти Кривичниот суд.

Грујевски и Бошкоски се во екстрадициски притвор во Солун. Тие два пати беа изведени пред Судот во Солун поради поседување лажни патни исправи, но судењето беше одложено за 1 декември поради немање преведувач од грчки на македонски јазик.

Грујевски и Бошкоски се обвинети од Специјалното јавно обвинителство за нелегално прислушување и за уништување на системите за прислушување, случаи познати како „Тврдина“, „Таргет“ и „Тврдина 2“.

Двајцата беа уапсени од грчката полиција на аеродромот во Солун на 18 октомври, при обид со лажни бугарски пасоши да заминат со авион за Будимпешта.

XS
SM
MD
LG