Достапни линкови

Ахмети прогласи победа на ДУИ во повеќе општини


Архивска фотографија-претседателот на ДУИ Али Ахмети

Лидерот на ДУИ, Али Ахмети во партиското седиште во Тетово прогласи голема победа на партијата во Тетово, Струга, Чаир, Дебар,Сарај, Липково, Долнени, Теарце во вториот круг, како и во Пласница, Кичево во првиот круг. Тој им се заблагодари на сите гласачи за нивниот придонес во оваа, како што рече, голема победа на ДУИ и за добени мандати за следните четири години на градоначалниците.

„Сигурно дека при ваквата голема победа има одредени изгубени битки, но тоа не значи дека е изгубена целата војна, како што е случајот со Гостивар, каде што во водство е другиот кандидат, но и од каде се уште се чекаат последните резултати за да се утврди точно кој е победникот“, рече Ахмети.

Тој посочи дека ДУИ е голема партија и така што и во случаите во општините Врапчиште, Желино и Боговиње, каде победил еден од другите кандидати ќе им помага, како што им помагале на нивните кандидати.

Кандидатката на ДУИ за градоначалничка на Тетово, Теута Арифи и се заблагодари на ДУИ за поддршката за уште еден четиригодишен мандат за оваа функција. Таа додаде дека Тетово втор пат гласа за жена и вети дека отворено и чесно ќе работи на реализирање на тоа што беше понудено во кампањата.

ДУИ вечерва по изјавите на Ахмети и Арифи ја почна прославата на изборната победа и во самото седиште, но и надвор од него со тапани, свирење на автомобили, скандирање.

XS
SM
MD
LG