Достапни линкови

Брисел ја повика косовската влада да соработува со Белград


Европската Унија го поздрави формирањето на новата влада на Косово и ја повика официјална Приштина веднаш да почне со работа на неопходните реформи во врска со владеењето на правото и економскиот развој како и да се ангажира во процесот на нормализација на односите со Србија. Во соопштението кое го објави портпаролката Мја Коцијанчиќ, се потсетува на обврските кои се однесуваат на односите со Белград и се бара напредок во тој процес.

"Новата Влада би требало да одигра активна улога во регионот и да соработува со Белград за да се осигура квалитетен чекор напред во дијалогот помеѓу Белград и Приштина," се наведува во соопштението.

Исто така се истакнува дека е од суштинско значење новоформираната влада да ја забрза работата околу процесот на визна либерализација при што ефективно ќе напредува во процесот на ратификација на пограничниот договор со Црна Гора.

XS
SM
MD
LG