Достапни линкови

Ударот во толпата пешаци во Барселона е терористички напад


Вооружени полицајци патролираат во Барселона по нападот со комбе

Комбе удри во толпа луѓе на улица во центарот на Барселона, а полицијата тоа го нарече "терористички напад".

"Во огромниот судир на улицата Лас Рамблас во Барселона од поединец кој возел со комбе, има многу повредени", се вели во соопштението на полицијата.

Шпанските државни медиуми објавија дека најмалку едно лице е мртво, а најмалку 20 се повредени во нападот.

Областа околу Плаза Каталуња, во познатото туристичко подрачје Рамбас, е затворена со неколку амбулантни возила и полициски возила кои се на местото на настанот.

Полицијата соопшти дека двајца вооружени мажи избегале од комбето и влегле во ресторан, но нема никакви детали.

Шпанските медиуми ги цитираат сведоците кои изјавија дека слушнале истрели во областа, иако извештаите не беа веднаш потврдени од полицијата.

Во изминатата година возила беа искористени за да влетаат во толпа народот во серија милитантни напади низ Европа, при што загинаа повеќе од 100 луѓе во Ница, Берлин, Лондон и Стокхолм.

Во последниве недели, во Барселона се појавија графити кои се заканувачки за туристите. Во Барселона доаѓаат повеќе од 11 милиони посетители годишно.

XS
SM
MD
LG