Достапни линкови

Данкан: Договорот за добрососедство е чекор во вистинска насока


Архивска фотографија-британскиот министер за Европа Алан Данкан

Британскиот министер за Европа, Алан Данкан го поздрави потпишувањето на Договорот за пријателство меѓу Македонија и Бугарија.

"При моите неодамнешни посети на Бугарија и Македонија видов силна посветеност за подобрување на односите меѓу двете земји. Го поздравувам потпишувањето на Договорот за пријателство помеѓу Бугарија и Македонија како чекор напред во вистинската насока. Добрососедските односи помеѓу Бугарија и Македонија се клучни за обезбедување на стабилност во регионот", се вели во пишаната изјава на Данкан.

Обединетото Кралство, истакнува Данкан, целосно ја поддржува новата Влада на Македонија во спроведувањето на неопходните реформи во земјата, и обнова и унапредување на односите со соседите. Обединетото Кралство и Бугарија исто така споделуваат цврсто пријателство, во очекување на нивното престедателство со Европскиот Совет во 2018 година, пишува британскиот министер за Европа, Алан Данкан.

Тој се надева дека парламентите на двете земји ќе го ратификуваат Договорот за пријателство, со што, како што вели, ќе може повеќе да се искористи оваа прилика за напредок

XS
SM
MD
LG