Достапни линкови

Пратеници на ВМРО-ДПМНЕ - Заев да го објави текстот од договорот со Бугарија


Илустрација - Седиштето на ВМРО ДПМНЕ.

Пратениците од ВМРО-ДПМНЕ, Илија Димовски, Антонијо Милошоски, Трајко Вељаноски, Никола Попоски, Емил Димитриев и Владимир Ѓорчев денеска упатија писмо до премиерот Зоран Заев и министерот за надворешни работи Никола Димитров во кое бараат да се објави нацрт текстот на договорот за добрососедство меѓу Македонија и Бугарија, како и дискусија во Собранието за националните позиции на оваа тема.

Во писмото се наведува дека во рамки на официјалната комуникација од македонски владини институции, срамежливо се потврдува оти текстот на договорот е усогласен, како и дека во јавноста се остава впечаток дека се прифаќа текст кој Владата посакува да го формализира надвор од очите на јавноста. Истото е извор на загриженост, велат пратениците од ВМРО-ДПМНЕ истакнувајќи оти “загриженоста може да се надмине преку споделување на нацрт текстот или на усогласениот текст на договорот, со пратениците во Собранието на Република Македонија, како претставници на граѓаните“.

XS
SM
MD
LG