Достапни линкови

Одложена јавната седница за случајот „Монструм“


Врховен суд на Македонија

Врховниот суд ја одложи јавната седница за случајот „Монструм“ за 9 јуни оваа година, поради отсуство на двајца адвокати на оштетените за петкратното убиство кај Смилковското езеро.

Инаку, пред јавната седница да биде одложена јавниот обвинител Лилјана Спасовска побара од судот и судијката известител да ја одложат седницата на подолго време и да ги прибават доказите и новите факти од Специјалното јавно обвинителство (СЈО) за кои во јавноста долго време се зборувало, со цел целосно да се анализира предметот и да се утврди дали новите околности ќе влијаат на конечната пресуда.

Претседавачот со кривичниот совет и претседател на Врховниот суд Јово Вангеловски одговори дека Јавното обвинителство доколку има потреба од прибавување на било какви други податоци, тоа имало можност да прибавува такви сознанија, бидејќи предметот бил доставен до Обвинителството во април минатата година и оти имало доволно време за проучување на списите и за прибавување на други докази и факти.

XS
SM
MD
LG