„Жбогар проклет ЕУ ѓавол“- порачаа демонстрантите

На денешните протести на иницијативата „За заедничка Македонија“ беше порачано дека ЕУ е лицемерна и дека нејзините претставници не и помагаат на Македонија. Тие истакнаа дека изборот на Талат Џафери за претседател на Собранието е незаконски и повикаа да се преиспита уставноста на таквиот чекор. По повод „Денот на Европа“ демонстрантите протестот го завршија токму пред ЕУ инфо центарот. Тие рекоа дека симболично на 72 дена од протестите денеска се слави 72 годишнината од победата против фашизмот. Уште еднаш се изјаснија против таканаречената „Тиранска платформа“ и го скандираа името на претседателот Ѓорге Иванов.