Иванов од утре во тридневна посета на Истанбул

Македонскиот претседател Ѓорѓе Иванов од утре ќе престојува во повеќедневна посета на Истанбул каде ќе учествува на конференцијата на Алијансата на цивилизации на тема „Балкански мир – визија за иднината со поуки“, како и на 15-от Евроазиски економски самит.
Главни теми на тридневниот форум годинава се економијата, екологијата и одржливиот развој, со акцент на периодот по економската криза, енергијата - технолошките иновации и иднината на зелената енергија, како и интеркултурниот дијалог – култура на мир.
На агендата на форумот во четврток е состанокот на претседатели, кој ќе се одржи во Измир.