Македонија заслужува позитивен одговор од ЕУ за евро прашалникот, вели Алекс Грегориев, директор на одделот за Западен Балкан во рамки на проектор за меѓуетнички односи, поддржан од американскиот Стејт Департмент, и германскиот Маршалов фонд. Има многу работи што треба да се направат, но исто така и многу е постигнато, посочува тој и додава, станува збор за политичка одлука:
„Македонија полека станува нормална европска земја. Македонија заслужува да стане земја кандидат за членство во ЕУ, друга работа е кога ќе започнат преговорите. Тие може да почнат наредната година, но политичката одлука која ќе ја класифицира Македонија како кандидат за членство во ЕУ може да се донесе и сега. Политички беа одлуките за Бугарија и Романија, како и за Турција. Можам да кажам, кога се донесе ваква одлука за Бугарија и Романија имаше уште многу проблеми. Некои, како на пример корупцијата, сеуште се актуелни. Не се работи само за политика, туку и за доследноста на ЕУ.“
Според Григориев евентуалната позитивна одлука за Македонија ќе биде важен сигнал и за регионот:
„Ако јас денеска би седел во Брисел би размислувал многу сериозно за можните негативни последици во Македонија, ако има негативен одговор. И не само во Македонија. Ваквата одлука би имала голем регионален удел, ако членството во Унијата не е можно за Македонија, ќе биде ли тоа реално потоа за Босна, Србија, да не зборувам за Косово. Мислам дека европските лидери го разбираат ова и тоа се гледа со одлуката за Турција. Од гледна точка на САД, важно е Македонија и соседите да станат дел од ЕУ, но има уште една работа што ја засега вашата земја. Покрај се, таа мора да ги заврши реформите, а клучно за развојот е владеењето на правото.“
Григориев посочува дека проблемот со уставното име не би требало да претставува пречка за интеграција во евро-атлантските структури и истакнува, од големо значење е американската одлука за признавање на името:
„САД можат да одат и понатаму и да го искористат авторитетот и да помогнат во решавањето на прашањето за уставното име во директни контакти со Атина. Сите разбираат дека решавањето на ова прашање ќе и помогне на Македонија, но и на Грција, бидејќи така, таа ќе важи за вистински регионален лидер. Грција има одлична позиција во регионот за да ја преземе позицијата на економски и политички лидер, а понекогаш лидерите треба да носат одлуки.“
„Македонија полека станува нормална европска земја. Македонија заслужува да стане земја кандидат за членство во ЕУ, друга работа е кога ќе започнат преговорите. Тие може да почнат наредната година, но политичката одлука која ќе ја класифицира Македонија како кандидат за членство во ЕУ може да се донесе и сега. Политички беа одлуките за Бугарија и Романија, како и за Турција. Можам да кажам, кога се донесе ваква одлука за Бугарија и Романија имаше уште многу проблеми. Некои, како на пример корупцијата, сеуште се актуелни. Не се работи само за политика, туку и за доследноста на ЕУ.“
Според Григориев евентуалната позитивна одлука за Македонија ќе биде важен сигнал и за регионот:
„Ако јас денеска би седел во Брисел би размислувал многу сериозно за можните негативни последици во Македонија, ако има негативен одговор. И не само во Македонија. Ваквата одлука би имала голем регионален удел, ако членството во Унијата не е можно за Македонија, ќе биде ли тоа реално потоа за Босна, Србија, да не зборувам за Косово. Мислам дека европските лидери го разбираат ова и тоа се гледа со одлуката за Турција. Од гледна точка на САД, важно е Македонија и соседите да станат дел од ЕУ, но има уште една работа што ја засега вашата земја. Покрај се, таа мора да ги заврши реформите, а клучно за развојот е владеењето на правото.“
Григориев посочува дека проблемот со уставното име не би требало да претставува пречка за интеграција во евро-атлантските структури и истакнува, од големо значење е американската одлука за признавање на името:
„САД можат да одат и понатаму и да го искористат авторитетот и да помогнат во решавањето на прашањето за уставното име во директни контакти со Атина. Сите разбираат дека решавањето на ова прашање ќе и помогне на Македонија, но и на Грција, бидејќи така, таа ќе важи за вистински регионален лидер. Грција има одлична позиција во регионот за да ја преземе позицијата на економски и политички лидер, а понекогаш лидерите треба да носат одлуки.“
