Американските сили ги продолжуваат акциите во делови од Багдад за совладување на отпорот на преостанатите ирачки сили, кои сеуште му се лојални на Садам Хусеин, чија судбина и натаму е неизвесна. Во близина на една од претседателските палати дошло до жестоки престрелки, при што еден американски маринец загинал, а 13 биле ранети. Сеуште е нејасно со колкав отпор се соочуваат сојузничките сили во Багдад. Ирачкиот амбасадор во Обединетите Нации Мухамед Ал Дури во Њујорк оцени дека војната е завршена.
„Играта е завршена. Се надевам дека мирот ќе преовлада. Во секоја војна има победници и поразени.“
Американскиот секретар за одбрана Доналд Рамсфелд изјави дека славењето на слободните Ирачани низ улиците на Багдад и уривањето на статуите на Садам Хусеин се историски моменти, како оние од времето на паѓањето на Берлинскиот Ѕид.
„Ирачаните го гледаат прогресот на сојузниците и го губат стравот од режимот, а тоа беше очигледно во Багдад.“
Меѓутоа, и покрај прославите низ улиците, Рамсфелд оцени дека престојат уште борби и околу Багдад и во други градови во Ирак и оти сојузничките сили треба да ги пронајдат локациите каде што има оружје за масовно уништување. Сојузничките сили сега се фокусирани врз фронтот во северен Ирак. Цел на воздушните напади е градот Тикрит, а курдските сили, со американска подршка напредуваат кон градовите Мосул и Киркук. Претставникот на курдската демократска партија Хошијар Зебари изјави дека ирачките сили ги напуштаат одбрамбените позиции.
„Тоа покажува дека ирачката армија е целосно деморализирана. Во спротивно, тие немаше да отстапуваат толку лесно.“
Ирачкиот опозиционен лидер Ахмед Шалаби побара од американците да го испратат во Ирак цивилниот администратор Џеј Гарнер што е можно поскоро поради многубројните проблеми во земјата. Рамсфелд изјави дека Гарнер ќе замине за Багдад кога борбите ќе престанат. Во формирањето на транзиционата власт во Ирак ќе учествува и Австралија, изјави премиерот Џон Хауард, оценувајки дека ирачкиот режим е соборен.
„Не велам дека војната е завршена, но може да се каже дека му е ставен крај на режимот, а ирачкиот народ му покажа на светот што мисли за тој режим.“
Хауард оцени дека во пост-воен Ирак Обединетите Нации можат да имаат само ограничена улога, а транзиционата власт ќе ја предводат оние што војуваа.
„Играта е завршена. Се надевам дека мирот ќе преовлада. Во секоја војна има победници и поразени.“
Американскиот секретар за одбрана Доналд Рамсфелд изјави дека славењето на слободните Ирачани низ улиците на Багдад и уривањето на статуите на Садам Хусеин се историски моменти, како оние од времето на паѓањето на Берлинскиот Ѕид.
„Ирачаните го гледаат прогресот на сојузниците и го губат стравот од режимот, а тоа беше очигледно во Багдад.“
Меѓутоа, и покрај прославите низ улиците, Рамсфелд оцени дека престојат уште борби и околу Багдад и во други градови во Ирак и оти сојузничките сили треба да ги пронајдат локациите каде што има оружје за масовно уништување. Сојузничките сили сега се фокусирани врз фронтот во северен Ирак. Цел на воздушните напади е градот Тикрит, а курдските сили, со американска подршка напредуваат кон градовите Мосул и Киркук. Претставникот на курдската демократска партија Хошијар Зебари изјави дека ирачките сили ги напуштаат одбрамбените позиции.
„Тоа покажува дека ирачката армија е целосно деморализирана. Во спротивно, тие немаше да отстапуваат толку лесно.“
Ирачкиот опозиционен лидер Ахмед Шалаби побара од американците да го испратат во Ирак цивилниот администратор Џеј Гарнер што е можно поскоро поради многубројните проблеми во земјата. Рамсфелд изјави дека Гарнер ќе замине за Багдад кога борбите ќе престанат. Во формирањето на транзиционата власт во Ирак ќе учествува и Австралија, изјави премиерот Џон Хауард, оценувајки дека ирачкиот режим е соборен.
„Не велам дека војната е завршена, но може да се каже дека му е ставен крај на режимот, а ирачкиот народ му покажа на светот што мисли за тој режим.“
Хауард оцени дека во пост-воен Ирак Обединетите Нации можат да имаат само ограничена улога, а транзиционата власт ќе ја предводат оние што војуваа.