Достапни линкови

Путин и Зеленски разговарале за размена на затвореници


Претседателите на Украина и на Русија, Володимир Зеленски и Владимир Путин

Претседателите на Русија и на Украина, Владимир Путин и Володимир Зеленски, телефонски разговарале за подготовката на нов Самит во таканаречен нормандиски формат и за можна размена на заробеници, соопшти денеска кабинетот на Зеленски.

По победата на минатогодишните претседателски избори, 41-годишниот поранешен комичар Зеленски успеа да ја испреговара долго очекуваната размена на затвореници со Русија, по што двете земји разменија десетици затвореници во септември и во декември.

Двајцата лидери за прв пат се сретнаа во Париз во декември на средба во нормандиски мировен формат, на која учествуваа и Германија и Франција.

Односите меѓу двете земји е непријателски по протестите во Киев кои доведоа до соборување на прорускиот претседател Виктор Јанукович во февруари 2014 година. Москва потоа нелегално го анектираше Крим од Украина, а проруските сепаратисти ја разгореа граѓанската војна во источна Украина, која сè уште трае, а во која досега загинаа над 13 илјади луѓе.

XS
SM
MD
LG