Достапни линкови

Курти – Само мафијата е интегрирана на Западниот Балкан


Косовскиот премиер Албин Куртин

Косовскиот премиер Албин Куртин денеска рече дека на Западниот Балкан мафијата е единствен сектор кој е целосно интегриран. Тој ова го рече за време на Минхенската безбедносна конференција. Ова е прво негово учество на некој меѓународен собир откако стана премиер на Косово.

Тој рече дека обвинителите треба да бидат најпознатите личности на Западниот Балкан.

„Мафијата е единствен сектор кој е во целост интегриран на Западниот Балкан. Она што ни треба е обвинителите да бидат најпознатите личности, а не премиерите или министрите за надворешни работи“, рече Курти, пренесува приштинската агенција Телеграфи.

На патот кон Минхен, Курти на аеродромот во Приштина направи преседан и не влезе во ВИП секторот, туку застана во ред на пасошката контрола и помина како и сите други патници.

XS
SM
MD
LG