Достапни линкови

Илјадници луѓе на посмртната поворка во Ирак за убиениот ирански генерал


Илјадници луѓе на посмртната поворка во Ирак за убиениот ирански генерал

Илјадници луѓе се собраа денеска во Багдад на посмртната поворка за убиениот ирански генерал Касем Солејмани и неколкумина други, кои беа убиени еден ден претходно во американски воздушен напад во главниот град на Ирак. Нападот ги зголеми тензиите во регионот, а Иран предупреди дека ќе се одмазди.

Многумина од насобраните носат ирачки знамиња, како и знамиња на милиции и организации, меѓу кои и Ирачките народни сили за мобилизација, чиј заменик-командант беше убиен заедно со иранскиот генерал и неколкумина други.

Телата на убиените се превезуваа со воени возила на почетокот на поворката, во која учествува и ирачкиот премиер Адил Абдул-Махди.

Дел од насобраните извикуваат „Смрт на Америка“.

Солејмани ќе биде погребан во Иран, а убиените Ирачани во Ирак.

XS
SM
MD
LG