Достапни линкови

АХВ: Направени се 738 вонредни контроли поради Ковид-19


Инспекторите за храна и официјалните ветеринари, во изминатите две недели, направиле 738 вонредни контроли во продавници, супермаркети, угостителски објекти и месарници, од стартот на засилените инспекциски контроли кои Агенцијата за храна и ветеринарство (АХВ) почна да ги спроведува кај операторите со храна, од 16 март годинава.

„Со контролите констатирани се пропусти во поглед на почитување на препораките за заштита од корона вирусот, како и недоследности во однос на општите хигиенски услови и продажба на производи со изминат рок на употреба. Пропусти се утврдени и во редовното водење записи за спроведување на добри хигиенски практики. За утврдените недоследности, донесени се 32 решенија за нивно отстранување, изречени се 46 мерки едукација и две парични казни“, информираше АХВ.

Според АХВ, засилените контроли се спроведуваат како дел од активностите на Агенцијата за намалување на ризиците и спречување на ширење на вирусот КОВИД-19, во рамки на кои се вршат проверки дали операторите со храна покрај, основните и посебните услови за производство, дистрибуција и трговија со храна, ги почитуваат и препораките на Владата и Комисијата за заразни болести, за спроведување на засилената дезинфекција на опремата и транспортните средства и објектите за трговија, со цел намалување на потенцијалната опасност од ширење на корона вирусот.

XS
SM
MD
LG