Достапни линкови

Армијата се вклучува во одржување на редот во Прилеп


Илустрација - Полициски час во Прилеп

Припадници на македонската армија од денеска се вклучуваат воодржувањето на редот во Прилеп и заедно со полицијата ќе се погрижат граѓаните доследно да ги почитуваат мерките и препораките на надлежните, информираше денеска министерката за одбрана Радмила Шекеринска.

Вклучувањето на армијата е на барање на градоначалникот Илија Јованоски, а поради драматично ширење на заразата со коронавирус во градот, а барањето било доставено до Централниот кризен штаб.

„Денеска зборувавме дека ангажманот ќе биде флексибилен. Во првите неколку часа војскатаќе биде присутна пред дуќани и банки. Како минува денот војниците можеби ќе се преселат во парковите или местата за рекреација каде има одредено прекршување на мерките. Не сакаме од Скопје да се носат одлуки. Имаме доверба во нашите старешини, војници и локалните власт и убедени сме дека ќе носат мерки кои ќе го зачуваат нашето здравје“, рече министерката за одбрана Радмила Шеќеринска

Градоначалникот Илија Јованоски, рече дека ваквите мерки се преземаат поради недисциплинираноста на граѓаните и рапидниот пораст на заразани. Денес во Прилеп има три нови случаи и еден починат, со што вкупниот број на КОВИД позитивни се искачи на 75 и две починати лица.

XS
SM
MD
LG