Граѓаните побараа оставка од Владата

Околу стотина граѓани протестираат денеска пред Владата,за да го изразат својот револт од прислушувањата на илјадници граѓани,изживувањето со Љубе Бошкоски, убиството на Мартин Нешкоски и местењето судски одлуки. Протестот уследи по објавата на третата „бомба“ од страна на опозицијата. Насобраните граѓани извикуваат „Нема правда , нема мир“, „Оставка“, „Убијци“, а во рацете носат транспаренти „Слобода за Љубе, слобода за Македонија“, „Одете си, оставка“, а со овие пароли е излепена и оградата пред владата.