Се отвора Театар Комедија во Скопје

Американскиот електронски артист и продуцент Кармен Ризо, на два пати номиниран за наградата „Греми“, в среда ќе има свој диџеј сет во скопскиот клуб „Кензо Танге“. На ова случување ќе му претходи негово прогласување за почесен професор на Универзитетот за аудио-визуелни уметности ЕСРА.

Македонскиот етно-состав СИНТЕЗИС деновиве го сними материјалот за својот нов албум на кој како гостин се јавува пејачот Наум Петрески.

Белешки од киоскот за цигари и весници 4 е насловена изложбата на цртежи на уметникот Миле Ничевски што ќе биде отворена утревечер, во 20 часот и 30 минути, во Отвореното графичко студио при Музејот на град Скопје. Се работи за продолжување на започнатиот циклус, овојпат со акцент на македонската стварност.

„Јас, Љубам, Бог“ е насловена четвртата претстава на Буден театар. Монодрамата е авторски проект на Милиана Ленак базиран на збирките „Хенри и Џун“ и „Инцест“ од едицијата нецензурирани дневници на писателката Анаис Нин - „Дневник на љубовта“.

Со последната, седма по ред, изложба АКВАРЕЛИ ВО ЧЕСТ НА ЉУБОМИР БЕЛОГАСКИ на авторот Војко Јаневски од Велес, што ќе биде отворена утревечер во Музеј на град Скопје, завршува циклусот посветен на 100 годишнината од раѓањето на големиот македонски мајстор на акварелот и хуманист и 20 годишнината од формирањето на Галеријата „Љубомир Белогаски“.

„Мојот човек“ е театарска претстава што ја потпишуваат актерките Катерина Коцевска и Јасмина Поповска. Со овој проект Македонскиот народен театар во Скопје се вклучува во кампањата за борба против семејното насилство.

120 творци, со дела работени во сите категории и техники, се претставени на годишната изложба на Друштвото на ликовните уметници на Македонија, што ќе биде отворена вечерва во Музеј на Град Скопје.

Архискулптура е насловена третата самостојна изложба на младиот уметник Андреа Шимбов, што ќе биде отворена на 18 јануари во МКЦ. Ќе бидат изложени една инсталација и десетина објекти, а поставката е дел од второто одбележување на глобалниот настан РОДЕНДЕН НА УМЕТНОСТА.

Со премиерни изведби на дела на славниот американски авангарден композитор Џон Кејџ, нашиот Александар Пејовски и Бразилецот Неи Росарио, во вторник на 17 јануари, Македонската филхармонија ја започнува годинашната серија на перформанси од циклусот Кирилица.

Со ревија на филмови, театарски претстави, изложби и концерти Младинскиот културен центар од Скопје, во среда на 18 јануари, по втор пат, ќе го одбележи меѓународниот настан РОДЕНДЕН НА УМЕТНОСТА.

Песни на поетот Јовица Тасевски Етернијан деновиве се објавени во новиот број на непалското списание за литература, култура и уметност Апликант, а нешто пред тоа и на страниците на романскиот книжевен портал Уметничка република.

ВИВА ВЕРДИ е насловен оперскиот концерт што овој четврток и петок, со почеток во 20 часот, ќе се одржи на сцената на Македонската опера и балет, во чест на празникот Василица.

Македонскиот кларинетист Васко Дуковски, кој на крајот на минатата година со неколкумина врвни музичари од светот го потпиша албумот Critical Models со нова серија концертни настапи ја продолжува својата успешна музичка кариера во САД.

Она што јас натаму го посакувам на Скопскиот џез-фестивал и го имам како неотсонуван сон е конечно ние како главен град да добиеме една нормална инфраструктура за вакви настани, вели директорот на Скопскиот џез-фестивал Оливер Белопета во неделното интервју на Радио Слободна Европа.