Достапни линкови

Почнува Танц фест


Танц Фест 2010

Танц Фест 2010

Со настапот на една од најдобрите европски компании СКАПИНО од Ротердам, започнува седмото издание на фестивалот за современ танц ТАНЦФЕСТ.

Поубав почеток на една врвна манифестација чија мисија е промовирање на танцот во земјава и не можевме да замислиме. На сцената на МОБ – една од најдобрите европски компании СКАПИНО со три нови
Се надевам дека со тоа што ќе го направиме повторно ќе придонесеме за развојот на танцовата сцена во Македонија и нејзино претставување надвор и изнесување на сите оние вредности што како земја ги имаме.
извонредни продукции, Холанд +, Браво Чарли и Бисвинг на две врвни кореографски имиња Ед Вуд, кој со години е автор на репертоарот на дружината и Марко Геко. Токму онака како што прилега за седмото издание на ТАНЦФЕСТ, фестивалот кој во изминатиов период од идеја на вљубеници собрани околу културниот центар ИНТЕРАРТ израсна во врвно случување за кое се бара карта повеќе во гледалиштето.

„Се надевам дека со тоа што ќе го направиме повторно ќе придонесеме за развојот на танцовата сцена во Македонија и нејзино претставување надвор и изнесување на сите оние вредности што како земја ги имаме“,
истакнува кореографката и првата дама на фестивалот Рисима Рисимкин.


Токму за својот ангажман на ова поле, таа е одбрана и за една од 10-те најдобри жени менаџери за изминатата година во Македонија.
Инаку, на годинешното издание на ТАНЦФЕСТ ќе се претстават и СКОПЈЕ-ТАНЦОВ ТЕАТАР во кој се студентите од првата академија за танц кај нас кои ќе ја одиграат поставката Меѓусвет, театарот ФЈОДОР ДОСТОЕВСКИ од Санкт Петербург, Русија, со мултимедијалната претстава Синопсис, Загребскиот танцов театар, Балет Косово, како и Истанбулшкиот балет со класичната изведба на Дон Кихот. Дел од претставите на манифестацијата ќе има можност да ги види и битолската публика за што Благој Мицевски, уметнички директор на Битолскиот театар забележува.

„Публиката секој пат со воодушевување ја полни салата за и онака ретките настани од овој вид.“

Следејќи ја убавата традиција, Советот на ТАНЦФЕСТ, предводен од академик Цветан Грозданов, годинава наградата за особени достигања во балетската уметност МЕНАДА и ја додели на професор Елисавета
Публиката секој пат со воодушевување ја полни салата за и онака ретките настани од овој вид.
Кушевска, врвен балетски педагог.

„Мојата работа за сите овие 35-36 години колку што работам во Македонија вроди со плод, македонскиот балет се разви на едно светско ниво.“

Од друга страна, специјалната награда МЕНАДА кој им се доделува на странци што придонеле за развојот на македонскиот балет овојпат му припадна на Самоил Вуерстон, уметнички директор на Универзитетот во Ротердам, а никако не смее да се забирави дека и годинава ТАНЦФЕСТ ќе го следат новинари од најпознатите светски магазини за танц.
  • 16x9 Image

    Љупчо Јолевски

    Како новинар, водител и уредник Јолевски во новинарството е безмалку 4 децении. Кариерата ја почнал во Млад Борец на почетокот од 1980-тите. Потем долги години бил во Телевизија Скопје и во Македонското радио - Втора програма, како и во други медиуми. Во Радио Слободна Европа Јолевски е од самиот почеток на емитувањето на програмата на македонски јазик.

XS
SM
MD
LG