Достапни линкови

Ердоган: ЕУ е на работ на распуштање


Ердоган: ЕУ не ги исполнува ветувањата
please wait

No media source currently available

0:00 0:02:26 0:00

Ердоган: ЕУ не ги исполнува ветувањата

Турскиот претседател Реџеп Таип Ердоган изјави дека Турција ќе је преиспита својата позиција во врска со приклучувањето во Европската унија доколку и натаму биде оставена да чека. Тој најави дека ќе се врати во владејачката партија откако ќе бидат соопштени официјалните резултати од референдумот.

Претседателот Ердоган во интервју за новинската агенција Ројтерс ја критикуваше одлуката на Парламентарното собрание на Советот на Европа, водечко тело за заштита на човековите права, да ја стави Турција на списокот за набљудување.

Тој оваа одлука ја оцени како целосно политичка и затоа Турција не ја признава.

„Би сакал да ја повикам Европската унија да ги исполнува своите ветувања, тие не ги исполнија нивните ветувања и се уште не го прават тоа. Се уште постои отпор. Нема смисла да се поправа нешто површно“, вели Ердоган.

Тој притоа додаде дека е подготвен да организира референдум за членство на земјата во Унијата и оти Турција, која 54 години чека пред европската врата, не може тоа да го прави бесконечно.

„Европската унија мора сама да се критикува. ЕУ е на работ на распуштање или, ако сакате на растурање. Една или две земји не можат да ја чуваат ЕУ во живот. Тие треба да го знаат тоа. Ви треба земја како Турција, искрена земја која симболизира различна вера. Ова ќе ги направи многу силни. Но, членките на ЕУ изгледа не го сфаќаат тоа“, вели Ердоган.

Најавувајќи дека ќе се врати во владејачката Партија на правдата и развојот откако ќе бидат потврдени резултатите од референдумот за уставни измени со кои се прошируваат овластувањата на претседателот Ердоган ги критикуваше опозициските партии за нивните обиди да ја оспорат, како што рече, волјата на граѓаните.

Откако турскиот Висок управен суд ги отфрли приговорите од Републиканската народна партија сега опозицијата најави дека случајот ќе го префли во Европскиот суд за човекови права.

Меѓународните монитори исто така пријавија низа нерагуларности, меѓу нив и одлуката на изборната комисија да прифати гласачки ливчиња кои немаат официјален печат.

Ердоган во интервјуто за Ројтерс изјави дека засега не се планирани предвремени избори во Турција.

  • 16x9 Image

    Гоце Атанасов

    Со новинарство започна да се занимава за време на студиите по новинарство во Скопје. Работел во Млад борец, Нова Македонија, Македонската радио телевизија, А1 телевизијата и во Дојче Веле, а во Радио Слободна Европа е од започнувањето на емитувањето на македонски јазик.

XS
SM
MD
LG