Достапни линкови

Турција се заканува со поништување на договорот за мигрантите


Шефот на турската дипломатија Мевлут Чавушоглу

Шефот на турската дипломатија Мевлут Чавушоглу

Шефот на турската дипломатија Мевлут Чавушоглу се закани дека Анкара може да се откаже од спогодбата со Европската унија за мигрантите од март 2016 година, со која драматично е намален мигрантскиот бран во Европа. „Ние можеме таа спогодба еднострано да ја прекинеме. Се уште не ги информиравме нашите соговорници во ЕУ, се е во наши раце“, рече тој во интервју за една турска телевизиска станица во врска со тензиите меѓу Турција и неколку европски земји. Тој ја критикуваше Унијата дека, спротивно на спогодбата, не одобрила либерализација на визниот режим за државјаните на Турција. Односите меѓу Турција и ЕУ се влошија откако Германија и Холандија не им допуштија на турски министри да одржат митинзи за планираниот референдум за уставни промени во Турција.

XS
SM
MD
LG