Достапни линкови

Натпреварот меѓу Албанија и Израел цел на терористички напади


Косовска полиција. Илустративна фотографија.

Косовска полиција. Илустративна фотографија.

Косовската полиција денеска соопшти дека спречила координирани терористички напади на групата Исламска држава во Косово и во Албанија. Цел на еден од нападите бил и натпреварот меѓу Израел и Албанија од квалификациите за светското првенство во фудбал, што во сабота се одигра во Албанија.

Косовската полиција во последните 10 дена уапсила 19 лица, кои биле осомничени за врски со Исламска држава и за планирање напади во Косово и Албанија.

Приведените планирале терористички напади во Косово и напади врз фудбалската репрезентација на Израел и нејзините приврзаници за време на натпреварот Албанија-Израел, се наведува во соопштението на косовската полиција.

Од безбедносни причини фудбалскиот натпревар е преместен од градот Скадар во Елбасан, односно поблиску до главниот град Тирана, забележува ДПА.

Осомничени се18 косовски државјани и еден Македонец. Тие биле набљудувани од 4 ноември и потоа уапсени. Во моментов сите се наоѓаат во 30-дневен притвор, а истрагата за нив продолжува.

Во Албанија и во Косово беа уапасени уште шест лица, посочуваат американските медиуми. Полицијата во акцијата од нив одзела експлозиви, полуавтоматско и друго оружје. Групите во трите држави биле координирани од двајца Албанци, кои се дел од терористичката група Исламска држава во Сирија и Ирак. Тие имале „јасни цели кого и кога да го нападнат“, соопшти косовската полиција.

XS
SM
MD
LG