Достапни линкови

Иванов се сретна со министерката за одбрана на Словенија


Претседателот Ѓорге Иванов денеска се сретна со словенечката министерка за одбрана Андреја Катиќ, која престојува во официјална посета на Македонија. Претседателот Иванов, ги поздрави напорите за проширување на билатералната соработка на полето на одбраната, како и јакнењето на меѓуармиската соработка помеѓу Македонија и Словенија, е наведено во соопштението од неговиот кабинет. Иванов и Катиќ на средбата разговарале за мигрантската и бегалската криза, како и за безбедносните предизвици на земјите од Југоисточна Европа.

Иванов покажал интерес за зголемување на учеството на АРМ во операции предводени од ООН преку заедничко учество со Вооружените сили на Словенија, соопшти кабинетот на македонскиот претседател.

XS
SM
MD
LG