Достапни линкови

logo-print

САД му дозволи на Ербас продажба на авиони на Иран


Ербас соопшти дека американската влада му одобрила на европскиот воздушен гигант продажба на првите 17 авиони од важниот договор со Иран. Портпаролот на Ербас Џастин Дубон за агенцијата Асошиејтед Прес рече дека првите 17 авиони ќе бидат А320с и А330с.

Претходно годинава националниот авиопревозник Иран Ер потпиша договор за купување на 118 авиони од Ербас во вредност од околу 22,8 милијарди евра. Ваквиот договор стана возможен по минатогодишниот историски нуклеарен договор, со кој се тргнаа санкциите за Иран.

Иако е европска компанија на Ербас му е потребно одобрение за продажба од САД бидејќи во авионите има многу делови што се произведени во Америка.

И Ербас и Боинг се согласија да му продадат авиони на Иран ер во акцијата на Техеран за обнова на авиацискиот сектор по години меѓународни санкции поради контроверзната нуклеарна програма.

XS
SM
MD
LG