Достапни линкови

logo-print

Стотина лица побарале лекарска помош по серијата земјотреси во Скопје


Земјотре Скопје.

Земјотре Скопје.

Стотина лица побарале лекарска помош во скопските болници и амбуланти по денешната серија земјотреси што го погодија Скопје и околината. Четириесетина лица побарале помош во градската болница „Наум Охридски“, а уште толку во градската болница „8 Септември“.

Најчесто се повредиле при бегање од своите домови, а неколкумина се со скршеници. Во болницата „Наум Охридски“ се задржани на лекување тројца пациенти, меѓу кои и една жена која паднала од тераса од први кат, при што се здобила со скршеници на нозете. Во болницата „8 Септември“ нема хоспитализирани пациенти со повреди од денешните земјотреси.

Десетина лица попладнево побарале помош и во клиничкиот центар „Мајка Тереза“, но засега нема информации дека има посериозно повредени.

XS
SM
MD
LG