Шестмина загинати во авионската несреќа во Македонија
Авионот што исчезна вчера попладне се урнал кај велешко Кожле, каде што се најдени остатоци од леталото. Во несреќата загинале шест патници чиј идентитет не е утврден, но италијанските медиуми објавија дека се работи за четворица Италијанци и за двајца косовски државјани. Авионот бил приватен со германски национални ознаки, од типот „Пајпер Па 34-200 Т Сенека“. Полетал од Тревизо, Италија, а крајната дестинација му била Приштина.