Достапни линкови

Турција и Германија за посетата на Инџирлик


Турскиот министер за надворешни работи Мевлут Чавушоглу денеска изјави дека одлуката на Анкара за дозвола на германските пратеници да ја посетат воздухопловната база Инџирлик, каде се стационирани германски војници, зависи од тоа дали Владата во Берлин ќе се дистанцира од Резолуцијата со која масовните убиства на Ерменците во 1915 година се оквалификувани како геноцид.

Откако германската Влада во јуни ја усвои таа резолуција, Турција забрани на германски пратеници да ја посетата базата Инџирлик, која се наоѓа во близина на границата со Сирија.

Чавошоглу, на прес-конференција во Анкара рече дека посетата ќе биде овозможена, „доколку Германија ги преземе неопходните чекори“.

Претходно денеска, германскиот министер за европски прашања Михаел Рот, кој се врати од посета на Анка, изјави дека двете земји оствариле напредок во решавањето на проблемот околу посетата на Инџирлик.

Пред два дена и германската канцеларка Ангела Меркел изјави дека Берлин води преговори со Анкара за да се овозможи пратеници од Бундестагот да можат да ги посетат 250 војници во турската воздухопловната база Инџирлик, кои таму се наоѓаат како поддршка на борбата против Исламска држава, водена од коалицијата, предводена од САД.

XS
SM
MD
LG