Достапни линкови

Попоски: Со Коѕиас нема да се зборува за името


Архивска фотографија.

Архивска фотографија.

Зголемување на довербата, како и подобра политичка комуникација меѓу двете држави, очекува шефот на македонската дипломатија Никола Попоски во пресрет на утрешната посета на грчкиот министер за надворешни работи Никос Коѕиас на Македонија.

Попоски во денешната изјава за медиумите пред почетокот на Амбасадорскиот совет во МНР, рече дека не очекува на средбата со Коѕиас да биде отворено прашањето за името и посочи дека приоритет е подобрување на односите и создавање на посилни врски во што е можно повеќе области.

Европската перспектива на Македонија треба да биде главна тема во разговорите на Коѕиас со македонски дипломати, пред кои ќе има обраќање, а закажана е и билатерална средба со македонскиот министер за надворешни работи Никола Попоски.

XS
SM
MD
LG