Достапни линкови

Фудбалерите ќе донираат за поплавените подрачја


На иницијатива на селекторот на Македонската А репрезентација, Игор Ангеловски и капитените Горан Пандев и Ванчо Шиков, а со комплетна согласност на сите репрезентативци и стручниот штаб средствата од повикот за квалификацискиот натпревар против Албанија во целост ќе бидат донирани на погодените од катастрофалната поплава која викендов го погоди скопскиот регион.

„Со овој мал гест сакаме да им дадеме поддршка на сите оние кои беа директно погодени од оваа природна катастрофа, со надеж дека нешто вакво никогаш повеќе нема да се повтори“, изјави селекторот Игор Ангеловски.

По немилите настани со поплавите во скопскиот регион, Фудбалската федерација на Македонија ќе донира средства за лична хигиена, дезинфекција и конзервирана храна за лицата најпогодени од природната катастрофа.

„Би сакале да упатиме искрено сочувство до фамилиите на настраданите како и да ја понудиме својата помош до оние на кои им е најпотребна, изјави претседателот на ФФМ“, Илчо Ѓорѓиоски.

XS
SM
MD
LG