Достапни линкови

Пренасочен сообраќај кај Тетово, во прекин скопската обиколница


Поради изобилни врнежи од дожд изутринава патничкиот сообраќај на автопатот Гостивар – Тетово - Скопје, поточно од клучката Југ е пренасочен преку тетовското градско подрачје до клучката Север.

Поради невремето што го зафати скопскиот регион од саботата во прекин е и сообраќајот по скопската обиколница од клучката Хиподром до клучката Сарај.

На останатите државни патишта сообраќајот се одвива без забрани, по влажни коловози.

Авионскиот сообраќај во земјава се одвива нормално по утврдениот возен лет. Досега, според информациите објавени на веб страницата на скопскиот аеродром, се реализирани сите планирани полетувања и слетувања.

XS
SM
MD
LG