Достапни линкови

ИД има 48 часа да го напушти градот Манбиџ во Сирија


Силите во Сирија кои се поддржани од САД им дадоа 48 часа на милитантите од организацијата Исламска држава да го напуштат опкружениот град Манбиџ во близина на турската граница за да се спречат цивилни жртви. Воениот совет на Манбиџ, кој е дел од сириските демократски сили предводени од Курди, кои имаат поддршка од САД, велат дека понудата е една и последна шанса екстремистите живи да го напуштат градот. Десетици илјади цивили се уште се заробени во градот кој е упориште на милитантите на ИД. Советот соопшти дека ќе дозволат борците да го напушти градот со своето „индивидуално оружје“. Коалицијата предводена од САД врши воздушни напади врз градот, а сириските демократски сили го опколија градот, но не влегле во центарот за да се спречат цивилни жртви. Коалицијата предводена од САД е обвинета за убиството на најмалку 56 цивили во и околу Манбиџ на 19 јули.

XS
SM
MD
LG