Достапни линкови

Поранешниот министер за надворешни работи на Велика Британија, Вилијам Хејг објави отворено писмо со „10 најважни совети“ за новиот шеф на британската дипломатија Борис Џонсон. Еден од советите е да го задржи силното влијание на Лондон на западен Балкан. Во текстот во весникот Телеграф, поранешниот министер наведува дека „присуството и влијанието на Велика Британија на западен Балкан е од витално значење со цел да не се вратиме на конфронтација“. Тој на новиот шеф на дипломатијата му порача да ја искористи „необичната предност“ која ја има со тоа што истовремено е многу познат и многу потценет. Поранешниот шеф на дипломатијата го повика Џонсон да ја насочи политиката кон Турција и Блискиот Исток, главните кризни точки во меѓународните односи, но и да ги поправи односите со Кина. Советува и новиот министер да оди во Америка, веднаш и да објасни што ќе се промени, а што нема по Брегзитот.

XS
SM
MD
LG