Достапни линкови

Белорусија прислушувала кого сака


Амнести интернешенел ги обвини властите на Белорусија дека ги злоупотребувале телекомуникациски мрежи на некои од најголемите светски телекомуникациски компании за да ја задушат слободата на говорот и критиките. Во извештајот објавен денеска, се наведува дека властите имале неконтролиран надзор што пак се одразило на работата на активистите и новинарите. Амнести ги повикува властите да создадат рамнотежа во практиката за надзор во согласност со меѓународните стандарди за човекови права. Во извештајот се наведува дека компаниите, меѓу кои и оние од групацијата Телеком Аустриа и Туркчел, дозволиле да дојде до ова со тоа што и овозможиле на владата речиси неограничен пристап до комуникациите и податоците на своите клиенти. Тоа го правеле без налог, туку само барале од компаниите да им дадат пристап. Извештајот е базиран на интервјуа со повеќе од 50 активисти за човекови права, новинари, адвокати, опозиционери, експерти за технологија и други, и во Белорусија и надвор од земјата.

XS
SM
MD
LG