Достапни линкови

20 загинати во Багдад додека трае операцијата за преземање на Фалуџа


Ирачката војска соопшти дека нејзините сили започнале операција за упад во градот Фалуџа, кој е под контрола на групата на Исламската држава (ИД).

Дописниците јавуваат дека експлозии и престрелки се слушаат во јужната област Наимија во Фалуџа.

Се верува оти околу 50 илјади цивили се наоѓаат во главно шиитскиот град, којшто се наоѓа на околу 70 километри од Багдад.

Како што напредуваат владините сили во Фалуџа, автомобил бомба и бомбаши самоубијци со автомобил и моторцикл убија повеќе од 20 луѓе и повредија повеќе од 50 во главниот град Багдад, соопшти полицијата.

Вестите доаѓаат еден ден откако ирачките специјални сили го комплетирале зголемувањето на силите околу Фалуџа.

Ирачките сили поддржани од иранската шиитска милиција и воздушните напади на коалицијата предводена од САД на 22 мај ја започнаа операцијата за преземање на Фалуџа.

Ирачките воени претставници вчера информираа дека од почетокот на операцијата преземале 80 отсто од територијата околу градот.

XS
SM
MD
LG