Достапни линкови

Турција избира нов премиер


Министерот за транспорт на Турција Бинали Јилдирим денеска ќе биде избран за претседател на владејачката турска Партија на правдата и развојот (АКП) и за премиер на земјата.

Јилдирим е близок соработник на турскиот претседател Реџеп Таип Ердоган и тој ќе дојде на местото на Ахмет Давутоглу, кој поднесе оставка од лидерската позиција во партијата и премиерската функција по серијата несогласувања со шефот на државата.

Јилдирим е единствениот кандидат за лидер на АКП и тој ќе биде избран денеска на специјалниот партиски конгрес, изјави портпаролот на партијата, Омер Челик.

Ердоган, иако по преземањето на претседателската функција повеќе не на челната позиција на АКП, се смета за нејзин основач и духовен лидер.

XS
SM
MD
LG