Достапни линкови

Коѕиас: За компромис за името треба да созреат условите во Македонија


Мислам дека условите треба да созреат во нашата соседна земја за да може да прифати значителен компромис, изјави грчкиот министер за надворешни работи Никос Коѕиас во врска со грчко-македонскиот спор за прашањето за името.

Во интервју за неделното издание на „Катимерини“, Коѕиас кусо се осврна на грчко-македонските односи при што ги истакнува мерките за градење доверба.

„Со ПЈРМ ние ги промовираме, во практична смисла, мерките за градење доверба. Мерките за градење доверба се производ на иницијатива што ние ја презедовме. Целта е да се подобрат нашите социјални и економски односи. Што се однесува до името, мислам дека условите треба да созреат во нашата соседна земја, така што да може да прифати значителен компромис“, вели Коѕиас.

Тој исто така потсети дека негова неодамнешна иницијатива беше и состанокот во Солун, на кој учествуваа министрите за надворешни и за внатрешни работи на Грција, Македонија, Албанија и Бугарија, икој завршил со голем успех.

„Одлучивме заедно да се институционализира оваа конфигурација и да се среќаваме секои шест месеци“, рече Коѕиас додавајќи дека ова е втор институционален формат кој Атина го промовира во регионот, по трилатералниот формат Грција, Романија и Бугарија.

XS
SM
MD
LG