Достапни линкови

ЕБА: Политичката криза негативно влијае врз економијата


Одборот на директори на Европската Бизнис Асоцијација (ЕБА) денеска оцени дека политичката криза во земјата негативно влијае врз економијата, деловната клима и условите за функционирање на бизнисите.

По денешниот редовен состанок на одборот на директори, ЕБА соопшти дека голем број членки информирале оти нивните матични компании од ЕУ со загриженост ги следат состојбите во Република Македонија и се оценува дека земјата се повеќе се движи во насока на висока неизвесност и ризичност.

„Политичката неизвесност и лимитираното функционирање на институциите предизвикува воздржаност и конзервативно однесувањее на компаниите и мајките инвеститори, и фокусирање на краткорични планови за менаџирање на тековните приоритети во работењето. Тоа може да резултира со одлагање или откажување на долгорочните проекти и планови кои би го стимулирале растот на нашите компании и отвoрањето на нови работни места, воведување на поголеми премии за ризици со што би се намалила конкурентноста на македонската економија.“

Во соопштението потенцираат дека од тој аспект, одржувањето предвидлив и стабилен амбиент на стопанисување, е клучен фактор за стабилноста на деловните субјекти и нивното непречено функционирање.

Од Асоцијацијата апелираат до сите релевантни учесници во креирањето на политичкиот дијалог и стабилноста во државата, за итно решавање на настанатата ситуација, со цел да се одржи економската стабилност, инвестициите и долгорочниот економски просперитет на земјата.

XS
SM
MD
LG