Достапни линкови

logo-print

Повторно гранатиран турскиот град Килис


Две ракети истрелани од територија под контрола на групата на Исламската држава во северна Сирија, паднале на територијата на пограничниот турски град Калис. При падот се ранети неколку лица, јавува БТА, повикувајќи се на соопштение на турските власти.

Турската артилерија ја гранатирала територијата од која биле истрелани ракетите, соопшти турската телевизија НТВ, и наведе дека во нападот биле убиени четворица џихадисти.

Утринава во Калис паднаа три ракети, од кои беа ранети четворица локални жители, потсетува ТАСС.

Градот Калис постојано е напаѓан од страна на ИД, и од почетокот на годината таму се убиени 19 лица.

XS
SM
MD
LG