Достапни линкови

logo-print

Турција ја поздрави препораката на ЕК за укинување на визите


Шефот на турската дипломатија Мевљут Чавушоглу денеска ја поздрави препораката на Европската комисија за визна либерализација со Турција како „нова страница“ во односите меѓу Анкара и Европска унија.

„Покрај тоа што е пресвртница кога станува збор за укинување на визите за нашите граѓани, ова одлука е и нова страница во идните односи со ЕУ, истакна Чавушоглу.

Турскиот министер за европски работи Волкан Бозкир на заедничката прес-конференција со Чавушоглу истакна дека се надева дека договорот за визна либерализација со ЕУ може да биде довршен до крајот на јуни.

„Турција смета дека ги исполнила сите 72 критериуми за укинување на визите за патување во ЕУ“, наведе Бозкир.

ЕК денеска им предложи на владите на земјите-членки на ЕУ да ги укинат визите за турските државјани до крајот на јуни под услов Анкара ако ги има исполнето сите 72 критериуми за визна либерализација.

XS
SM
MD
LG