Достапни линкови

„Кај ни е крајот“ - вие коментирате


Протести против одлуката на претседателот Ѓорге Иванов за помилување на политичари во Скопје. Протест, демонстранти.

Протести против одлуката на претседателот Ѓорге Иванов за помилување на политичари во Скопје. Протест, демонстранти.

„Ништо не гледам, ништо не слушам, ништо не зборувам...‟ „На народот сендвичи, а за газдата бароци. Ех, Македонијо!‟

Одвреме-навреме некој наш текст или интервју за РСЕ ќе предизвика бура од реакции и ќе надмине некој наш рекорд на испратени ваши коментари, било на веб-страницата, било на Фејсбук. Особено кога ќе се појави некоја критика за граѓаните Македонци.

Не е корумпиран, толку вреди на пазар, а што е уште потрагично, не е ни свесен дека таа цена му ја определиле тие за кои гласал и го претвориле во евтина стока.

При ова, дозволете ни да забележиме дека изгледа никој од нас не сака да трпи критики, што, на крајот на краиштата е и човечки. На пример, некои констатации на професорот на Филозофскиот факултет во Скопје, Ристо Солунчев, кој во неделното интервју за РСЕ покрај другото вели дека „Власта ги искорумпира граѓаните‟, буквално предизвикуваат фрлање дрва и камења по него, многу често и лични навреди.

Се чини, се оди по онаа: „Никој не ме гледа кој сум, можам да кажам што сакам‟. Еден од ретките што се согласува со мислењето на професорот Солунчев е Незабеган, кој на нашата веб-страница запишал дека „ВМРО-нската и ГДОМ-нарската барокна опсесија со антиката и бркањето странски непријатели и домашни петоколонашки и соросоидни вештерки за палење на клада, им го зашеметува осетот за критичко размислување кај еден сегмент на македонската популација...

Како трите мајмуни: Ништо не гледам, ништо не слушам, ништо не зборувам...‟.

Арно ама, Македонец од Скопје вели: „Немој да ги вреѓаш Македонците. Ако ти се коментира и опишува некој народ, коментирај си го твојот, од каде и да е твоето потекло...“ Фадил Сулоски затоа, на Фејсбук напишал: „Не е корумпиран, толку вреди на пазар, а што е уште потрагично, не е ни свесен дека таа цена му ја определиле тие за кои гласал и го претвориле во евтина стока...‟

Стефан Цветановски се надоврзува: „Треба да си глупав па да не сфатиш како ги корумпира – вработи ги во државен сектор, ништо не работат а земаат пари...

Информацијата под наслов: ’Шарено’ пред Влада, ’весело’ пред Собрание, Јелица Карова вака ја коментира на Фејсбук: „’Шарено’ пред Влада против злосторничкото здружување да се разнебити државата во секој сегмент и вечно да се владее и ’весело’ пред Собрание со лажен патриотизам, уценувани весељаци дека ќе останат без работа и другите бенефиции што ги добиле по партиска линија. ЗОШТО? ’Весело’ да им овозможиме на злосторниците, уценувачите, угнетувачите... да владеат вечно!

Ристо Тошески постирал: „Глупоста продолжува. Народот осиромашен, способните бегаат, мукачи од двете страни се борат за позиција, демек се за демократија. Кај ни е крајот????‟

ГДОМ – Библиска Македонија сака избори – вака гласи насловот на нашиот текст што на Фејсбук го коментирал Горан Дрвошанов: „Глуви ли сте или слепи или сте еден од оние платените убијци на Македонецот? Зборувате за библиска Македонија, а живееме на врвот на лагата и измимата, штитите корупција и криминал, убиства, невини во затворите, за каков патриотизам зборувате ако стоите во одбрана на оние што ја испокрадоа и уништија државата?‟ За протестите наречени „Шарена револуција‟ на Фејсбук има стотици негативни коментари што поради недоличниот јазик нема да ги пренесеме.

Времето ни дозволува само да го цитираме Стојан Младеновски: „На народот сендвичи, а за газдата бароци. Ех, Македонијо!‟

  • 16x9 Image

    Горица Попова

    Родена е во Кочани, дипломирала во 1976 год. на Филозофскиот факултет во Скопје. Како новинар работи над 30 години. Почнала во Македонско радио- Радио Скопје во 1978 год. Од јуни 2009 год. е соработник на Радио Слободна Европа.

Покажи ги коментарите

XS
SM
MD
LG