Достапни линкови

ВМРО-ДПМНЕ: Настапот на Јанева значи дека СДСМ нема програма


Специјалната обвинителка Катица Јанева

Специјалната обвинителка Катица Јанева

Специјалната обвинителка Катица Јанева повторно настапи со политички конструкции кои содржат сè, освен почитување на правото и претставуваат директен доказ на очајот во којшто се наоѓаат Зоран Заев и СДСМ, реагира владејачката ВМРО-ДПМНЕ. Нивната реакција е на денешната прес-конференција на Специјалното обвинителство, на која беше објавено дека е отворена истрага „Тортура“ против поранешниот директор на УБК Сашо Мијалков и други вработени во МВР, за начинот на апсење на лидерот на Обединети за Македонија, Љубе Бошкоски.
„Денешниот политички настап на Катица Јанева е најдобра потврда дека Зоран Заев и СДСМ немаат никаква предизборна програма и никакви проекти кои би ги понудиле на граѓаните, така што единствениот излез го бараат во обидот преку Катица Јанева да оцрнуваат луѓе од раководството на ВМРО-ДПМНЕ преку конструкции, лаги и манипулации“, се вели во реакцијата на владејачката партија.

XS
SM
MD
LG